Gruhalakshmi Scheme Payment Stopped: ಆಗಸ್ಟ್ 22, 2025ರಂದು ವಿಧಾನಪರಿಷತ್ತಿನಲ್ಲಿ ನಡೆದ ಚರ್ಚೆಯಲ್ಲಿ ಮಹಿಳಾ ಮತ್ತು ಮಕ್ಕಳ ಕಲ್ಯಾಣ ಇಲಾಖೆ ಗೃಹಲಕ್ಷ್ಮಿ ಯೋಜನೆಯಲ್ಲಿ ಆದಾಯ ತೆರಿಗೆ (ITR) ಸಲ್ಲಿಸುವವರು ಅಥವಾ GST ರಿಟರ್ನ್ಸ್ ಇರುವವರು ಯೋಜನೆಗೆ ಅರ್ಹರಾಗುವುದಿಲ್ಲವೆಂಬ ನಿಯಮವನ್ನು ಪುನಃ ಸ್ಪಷ್ಟಪಡಿಸಲಾಗಿದೆ. ಇದೇ ನಿಯಮದ ಆಧಾರದ ಮೇಲೆ ಪಾವತಿಗಳನ್ನು ಪರಿಶೀಲಿಸಿ ಅನರ್ಹರ ಪಟ್ಟಿಯಿಂದ ಪಾವತಿ ನಿಲ್ಲಿಸಲಾಗುತ್ತಿದೆ. ಈ ಅರ್ಹತಾ ನಿಯಮವನ್ನು ಸರ್ಕಾರವು 2023ರ ಜೂನ್ನಲ್ಲೇ ಮಾರ್ಗಸೂಚಿಗಳಲ್ಲಿ ನಿಗದಿ ಮಾಡಿತ್ತು.
Gruhalakshmi Scheme Payment Stopped In Karnataka? ಏನು ನಡೆದಿದೆ?
ವಿಧಾನ ಪರಿಷತ್ನಲ್ಲಿ ಸದಸ್ಯ ಪಿ.ಎಚ್. ಪೂಜಾರಿ ಅವರ ಪ್ರಶ್ನೆಗೆ ಉತ್ತರ ನೀಡಿದ ಸಚಿವರು ಹೇಳಿದರು:
- 2,13,064 ಮಹಿಳೆಯರಲ್ಲಿ
- 1,08,417 ಮಂದಿ ಆದಾಯ ತೆರಿಗೆ ಪಾವತಿದಾರರು.
- 1,04,647 ಮಂದಿ ಜಿಎಸ್ಟಿ ರಿಟರ್ನ್ಸ್ ಸಲ್ಲಿಸಿದವರು.
- ನಿಯಮಾವಳಿಯ ಪ್ರಕಾರ ಇವರಿಗೆ ಗೃಹಲಕ್ಷ್ಮಿ ಯೋಜನೆಗೆ ಅರ್ಹತೆ ಇಲ್ಲದ ಕಾರಣ ಹಣ ಪಾವತಿಯನ್ನು ಸ್ಥಗಿತಗೊಳಿಸಲಾಗಿದೆ. Gruha Lakshmi payment stopped.
ಗೃಹಲಕ್ಷ್ಮಿ ಯೋಜನೆ ಅರ್ಹತಾ ನಿಯಮಗಳು
ಗೃಹಲಕ್ಷ್ಮಿ ಯೋಜನೆಯಡಿ ಪ್ರತಿ ತಿಂಗಳು ₹2,000 ರೂ. ಮಹಿಳಾ ಮುಖ್ಯಸ್ಥೆಯ ಬ್ಯಾಂಕ್ ಖಾತೆಗೆ ಜಮಾ ಮಾಡಲಾಗುತ್ತದೆ. ಆದರೆ, ಸರ್ಕಾರ ನಿಗದಿಪಡಿಸಿದ ಕೆಲವು ಅರ್ಹತಾ ನಿಯಮಗಳು ಇವೆ:
- ಸರ್ಕಾರಿ ನೌಕರರಾಗಿದ್ದರೆ ಅನರ್ಹ.
- ಆದಾಯ ತೆರಿಗೆ ಪಾವತಿದಾರರು ಯೋಜನೆಗೆ ಅರ್ಹರಾಗುವುದಿಲ್ಲ.
- ಜಿಎಸ್ಟಿ ನೋಂದಾಯಿತರು ಅಥವಾ ರಿಟರ್ನ್ಸ್ ಸಲ್ಲಿಸಿದವರು ಸಹ ಅನರ್ಹರು.
- ನಕಲಿ ದಾಖಲೆಗಳಿರುವವರಿಗೂ ಸಹ ಯೋಜನೆ ಲಾಭ ಅನ್ವಯಿಸುವುದಿಲ್ಲ.
ನಿಮಗೆ ಹಣ ನಿಂತಿದೆಯೇ? ಪರಿಶೀಲಿಸಬೇಕಾದ 6 ವಿಷಯಗಳು
- ITR/GST ಸ್ಥಿತಿ: ನಿಮ್ಮ ಅಥವಾ ಪತಿಯ ITR/GST ದಾಖಲೆ ಇದ್ದರೆ ಯೋಜನೆಗೆ ಅರ್ಹತೆ ಇರುವುದಿಲ್ಲ.
- NPCI ಮ್ಯಾಂಡೇಟ್: ಬ್ಯಾಂಕ್ ಖಾತೆ DBTಗಾಗಿ NPCI mapper-ಗೆ ಸರಿಯಾಗಿ ಲಿಂಕ್ ಆಗಿದೆಯೇ ನೋಡಿ. ಅನೇಕ ಪ್ರಕರಣಗಳು “NPCI failed/E-KYC pending/Bank account inactive/Name mismatch” ಕಾರಣಕ್ಕೆ ತಿರಸ್ಕರಿಸಲ್ಪಟ್ಟಿವೆ.
- ಬ್ಯಾಂಕ್ KYC: Aadhaar-ಬ್ಯಾಂಕ್ ಲಿಂಕಿಂಗ್ ಹಾಗೂ KYC ನವೀಕರಣ ಪೂರ್ಣವಾಗಿದೆಯೇ?
- ರೇಷನ್ ಕಾರ್ಡ್ ವಿವರಗಳು: BPL/APL/Antyodaya ಕಾರ್ಡ್ನಲ್ಲಿ ಮಹಿಳೆಯೇ ಮನೆತನದ ‘ಯಜಮಾನಿ’ ಎಂದು ನಮೂದಾಗಿದೆಯೇ?
- ಒಬ್ಬರಿಗೆ ಮಾತ್ರ ಲಾಭ: ಒಂದು ಮನೆತನಕ್ಕೆ ಒಬ್ಬ ಮಹಿಳೆಗೇ ಲಾಭ—ಪುನರಾವೃತ್ತಿ ಅರ್ಜಿಗಳು ನಿರಾಕೃತವಾಗಬಹುದು.
- Seva Sindhu ದಾಖಲೆಗಳು: ಅರ್ಜಿಯಲ್ಲಿ ಕೊಟ್ಟ ಹೆಸರು/IFSC/ಖಾತೆ ಸಂಖ್ಯೆಗಳು ಸರಿಯಾಗಿದೆಯೇ ಪರಿಶೀಲಿಸಿ.
ಫಲಾನುಭವಿಗಳು ಏನು ಮಾಡಬೇಕು?
ನೀವು ಗೃಹಲಕ್ಷ್ಮಿ ಯೋಜನೆ ಫಲಾನುಭವಿಯಾಗಿದ್ದರೆ ಹಾಗೂ ಹಣ ಪಾವತಿ ಬಂದಿಲ್ಲ ಎಂದರೆ, ಈ ಕ್ರಮಗಳನ್ನು ಅನುಸರಿಸಿ:
- ಅರ್ಜಿ ಸ್ಥಿತಿ ಪರಿಶೀಲನೆ. ಗೃಹಲಕ್ಷ್ಮಿ amount status
- ಗ್ರಾಮ ಒನ್, ಕರ್ಣಾಟಕ ಒನ್ ಅಥವಾ
- ಮಹಿಳಾ ಮತ್ತು ಮಕ್ಕಳ ಕಲ್ಯಾಣ ಇಲಾಖೆಯ ಕಚೇರಿಯಲ್ಲಿ ಪರಿಶೀಲಿಸಬಹುದು.
- ಆದಾಯ ತೆರಿಗೆ / ಜಿಎಸ್ಟಿ ವಿವರಗಳನ್ನು ದೃಢೀಕರಿಸಿ
- ನೀವು ಅಥವಾ ನಿಮ್ಮ ಪತಿ ಆದಾಯ ತೆರಿಗೆ ಪಾವತಿದಾರರು ಅಲ್ಲ ಎಂಬುದನ್ನು ಖಚಿತಪಡಿಸಿಕೊಳ್ಳಿ.
- ತಪ್ಪಾಗಿ ಅನರ್ಹರ ಪಟ್ಟಿಗೆ ಸೇರಿದ್ದರೆ, ಸ್ವಯಂ ಘೋಷಣಾ ಪತ್ರ ಸಲ್ಲಿಸಬಹುದು.
- ದಾಖಲೆಗಳ ಸರಿಪಡಣೆ
- ಆಧಾರ್, ರೇಷನ್ ಕಾರ್ಡ್, ಬ್ಯಾಂಕ್ ಖಾತೆ ಹೆಸರುಗಳು ಒಂದೇ ರೀತಿಯಲ್ಲಿ ಹೊಂದಿರಬೇಕು.
- ಆಧಾರ್-KYC ಪೂರ್ಣಗೊಳಿಸಿ ಮತ್ತು ಬ್ಯಾಂಕ್ ಖಾತೆಗೆ ಆಧಾರ್ ಲಿಂಕ್ ಮಾಡಿಕೊಂಡಿರಬೇಕು.
ಪಾವತಿ ತಡವಾಗಿದೆ, ಆದರೆ ಹಣ ಬರಲಿದೆ: ಸರ್ಕಾರದ ಭರವಸೆ
ಜೂನ್ 2025ರಲ್ಲಿ ಸಚಿವ ಸತೀಶ ಜಾರಕಿಹೊಳಿ ಅವರು ಹೇಳಿರುವ ಪ್ರಕಾರ, ಕೆಲವೊಂದು ತಾಂತ್ರಿಕ ಕಾರಣಗಳಿಂದಾಗಿ ಪಾವತಿ ತಡವಾಗುತ್ತಿದೆ, ಆದರೆ ಹಣವನ್ನು ಒಟ್ಟಿಗೆ ಲಂಪ್ಸಮ್ ರೂಪದಲ್ಲಿ ಜಮಾ ಮಾಡುವುದಾಗಿ ಸರ್ಕಾರ ಭರವಸೆ ನೀಡಿದೆ.
“ತಿಂಗಳು-ಎರಡು ತಿಂಗಳು ತಡವಾದರೂ ಸಮಸ್ಯೆ ಇಲ್ಲ, ಹಣವನ್ನು ಒಟ್ಟಿಗೆ ಜಮಾ ಮಾಡಲಾಗುತ್ತದೆ.” — ಸತೀಶ ಜಾರಕಿಹೊಳಿ, ಸಚಿವರು
