ಅಂಚೆ ಇಲಾಖೆ ಜಿಡಿಎಸ್ ಮೊದಲ ಮೆರಿಟ್ ಪಟ್ಟಿ 2026 ಪ್ರಕಟ. ಕರ್ನಾಟಕ ವೃತ್ತದ 1102 ಅಭ್ಯರ್ಥಿಗಳು ಅರ್ಹ. ಪಟ್ಟಿ ನೋಡುವ ವಿಧಾನ, ದಾಖಲೆ ಪರಿಶೀಲನೆ ದಿನಾಂಕ ಅ.27 ಮತ್ತು ಅಗತ್ಯ ದಾಖಲೆಗಳ ವಿವರ ಇಲ್ಲಿದೆ.
ಭಾರತೀಯ ಅಂಚೆ ಇಲಾಖೆಯು 2026ನೇ ಸಾಲಿನ ಜುಲೈ ಹಂತದ ಗ್ರಾಮೀಣ ಡಾಕ್ ಸೇವಕ್ (GDS) ನೇಮಕಾತಿಯ ಮೊದಲ ಮೆರಿಟ್ ಪಟ್ಟಿಯನ್ನು ಸೋಮವಾರ (ಅ.12) ಪ್ರಕಟಿಸಿದೆ. ಕರ್ನಾಟಕ ವೃತ್ತದಲ್ಲಿ ಮೊದಲ ಸುತ್ತಿನಲ್ಲಿ ಒಟ್ಟು 1102 ಅಭ್ಯರ್ಥಿಗಳು ಅರ್ಹತೆ ಪಡೆದಿದ್ದಾರೆ. ಅರ್ಜಿ ಸಲ್ಲಿಸಿದ ಅಭ್ಯರ್ಥಿಗಳು ತಮ್ಮ ಹೆಸರನ್ನು ಈಗಲೇ ಪರಿಶೀಲಿಸಿಕೊಳ್ಳಿ.
India Post GDS merit list 2026 Karnataka: ಪ್ರಮುಖ ಮಾಹಿತಿ
- ನೇಮಕಾತಿ ಸಂಸ್ಥೆ: ಭಾರತೀಯ ಅಂಚೆ ಇಲಾಖೆ
- ಹುದ್ದೆ: ಗ್ರಾಮೀಣ ಡಾಕ್ ಸೇವಕ್ (GDS)
- ಅಧಿಸೂಚನೆ ದಿನಾಂಕ: ಆಗಸ್ಟ್ 20, 2026
- ದೇಶಾದ್ಯಂತ ಒಟ್ಟು ಹುದ್ದೆಗಳು: 23,757
- ಕರ್ನಾಟಕ ವೃತ್ತದ ಹುದ್ದೆಗಳು: 1,116
- ಮೊದಲ ಪಟ್ಟಿ ಪ್ರಕಟವಾದ ದಿನಾಂಕ: ಅಕ್ಟೋಬರ್ 12, 2026
- ಕರ್ನಾಟಕ ವೃತ್ತದಲ್ಲಿ ಅರ್ಹರಾದವರು: 1102 ಅಭ್ಯರ್ಥಿಗಳು
- ದಾಖಲೆ ಪರಿಶೀಲನೆಗೆ ಕೊನೆಯ ದಿನಾಂಕ: ಅಕ್ಟೋಬರ್ 27, 2026
ಜಿಡಿಎಸ್ ಮೆರಿಟ್ ಪಟ್ಟಿ ಪಿಡಿಎಫ್ ನೋಡುವುದು ಹೇಗೆ?
- ಇಂಡಿಯಾ ಪೋಸ್ಟ್ ಜಿಡಿಎಸ್ ಆನ್ಲೈನ್ ಎಂಗೇಜ್ಮೆಂಟ್ ವೆಬ್ಸೈಟ್ಗೆ ಭೇಟಿ ನೀಡಿ.
- ಶಾರ್ಟ್ಲಿಸ್ಟ್ ಅಥವಾ ಮೆರಿಟ್ ಪಟ್ಟಿ ವಿಭಾಗವನ್ನು ತೆರೆಯಿರಿ.
- “ಕರ್ನಾಟಕ ವೃತ್ತ” (Karnataka Circle) ಆಯ್ಕೆ ಮಾಡಿ.
- ಪಿಡಿಎಫ್ ಡೌನ್ಲೋಡ್ ಮಾಡಿ.
- ಪಿಡಿಎಫ್ನಲ್ಲಿ Ctrl+F ಒತ್ತಿ ನಿಮ್ಮ ನೋಂದಣಿ ಸಂಖ್ಯೆ ಅಥವಾ ಹೆಸರನ್ನು ಹುಡುಕಿ.
ಮುಖ್ಯ ಮಾಹಿತಿ: ಪಟ್ಟಿಯಲ್ಲಿ ಹೆಸರಿರುವ ಅಭ್ಯರ್ಥಿಗಳು ತಾವು ಆಯ್ಕೆ ಮಾಡಿಕೊಂಡಿರುವ ವಿಭಾಗೀಯ ಕಚೇರಿಗೆ ಅಕ್ಟೋಬರ್ 27ರೊಳಗೆ ವರದಿ ಮಾಡಿಕೊಳ್ಳಬೇಕು. ಮೂಲ ದಾಖಲೆಗಳ ಜೊತೆಗೆ ಎರಡು ಸೆಟ್ ಝೆರಾಕ್ಸ್ ಪ್ರತಿಗಳನ್ನು ತೆಗೆದುಕೊಂಡು ಹೋಗಬೇಕು.
ದಾಖಲೆ ಪರಿಶೀಲನೆಗೆ ಏನು ತೆಗೆದುಕೊಂಡು ಹೋಗಬೇಕು?
- ಎಲ್ಲಾ ಮೂಲ ದಾಖಲೆಗಳು
- ಪ್ರತಿ ದಾಖಲೆಯ ಎರಡು ಸೆಟ್ ಝೆರಾಕ್ಸ್ ಪ್ರತಿಗಳು
- ಅರ್ಜಿ ಸಲ್ಲಿಸುವಾಗ ಅಪ್ಲೋಡ್ ಮಾಡಿದ ದಾಖಲೆಗಳು (ಹತ್ತನೇ ತರಗತಿ ಅಂಕಪಟ್ಟಿ, ಗುರುತಿನ ಚೀಟಿ, ಜಾತಿ ಪ್ರಮಾಣಪತ್ರ ಇತ್ಯಾದಿ)
- ನೋಂದಣಿ ಸಂಖ್ಯೆಯ ಪ್ರತಿ
ಯಾವ ದಾಖಲೆಗಳು ಬೇಕು ಎಂಬ ಅಂತಿಮ ಪಟ್ಟಿಗಾಗಿ ಪಿಡಿಎಫ್ನಲ್ಲಿರುವ ಸೂಚನೆಗಳನ್ನು ಓದಿ.
ಪಟ್ಟಿಯಲ್ಲಿ ಹೆಸರು ಇಲ್ಲದಿದ್ದರೆ ಏನು ಮಾಡಬೇಕು?
ಇದು ಮೊದಲ ಸುತ್ತಿನ ಪಟ್ಟಿ ಮಾತ್ರ. ಹೆಸರು ಇಲ್ಲದವರು ಆತಂಕಪಡುವ ಅಗತ್ಯವಿಲ್ಲ. ಮೊದಲ ಪಟ್ಟಿಯಲ್ಲಿ ಆಯ್ಕೆಯಾದವರು ಹಾಜರಾಗದಿದ್ದರೆ ಅಥವಾ ದಾಖಲೆ ಪರಿಶೀಲನೆಯಲ್ಲಿ ಅನರ್ಹರಾದರೆ ಮುಂದಿನ ಪಟ್ಟಿ ಪ್ರಕಟವಾಗುವ ಸಾಧ್ಯತೆ ಇರುತ್ತದೆ. ಹೊಸ ಅಪ್ಡೇಟ್ಗಾಗಿ ಅಧಿಕೃತ ವೆಬ್ಸೈಟ್ ಮತ್ತು ನಮ್ಮ ಗುಂಪುಗಳನ್ನು ಗಮನಿಸುತ್ತಿರಿ.
ಮುಖ್ಯ ಲಿಂಕ್ಗಳು
| ವಿವರ | ಲಿಂಕ್ |
|---|---|
| ಜಿಡಿಎಸ್ ಮೊದಲ ಮೆರಿಟ್ ಪಟ್ಟಿ (ಕರ್ನಾಟಕ ವೃತ್ತ) | ಇಲ್ಲಿ ಕ್ಲಿಕ್ ಮಾಡಿ |
| ಅಧಿಕೃತ ವೆಬ್ಸೈಟ್ | ಇಲ್ಲಿ ಕ್ಲಿಕ್ ಮಾಡಿ |
| WhatsApp ಗುಂಪು | ಸೇರಿರಿ |
| Telegram ಚಾನೆಲ್ | ಸೇರಿರಿ |











