ಕರ್ನಾಟಕ ಸರ್ಕಾರವು ಪರಿಶಿಷ್ಟ ಜಾತಿ (SC) ಸಮುದಾಯಗಳ ನಡುವೆ ಮೀಸಲಾತಿ ಹಂಚಿಕೆ ಬಗ್ಗೆ ಬಹುಕಾಲದಿಂದ ಚರ್ಚೆಯಾಗುತ್ತಿದ್ದ “ಒಳ ಮೀಸಲಾತಿ ನೀತಿ ಕರ್ನಾಟಕ” (Intra-Reservation Policy) ಯನ್ನು ಅಧಿಕೃತವಾಗಿ ಜಾರಿಗೆ ತಂದಿದೆ.
ಈ ನಿರ್ಧಾರದಿಂದಾಗಿ ಶಿಕ್ಷಣ, ಸರ್ಕಾರಿ ಉದ್ಯೋಗಗಳು, ಹಾಗೂ ಇತರೆ ಕ್ಷೇತ್ರಗಳಲ್ಲಿ ಮೀಸಲಾತಿ ಪ್ರಕ್ರಿಯೆ ಹೆಚ್ಚು ನ್ಯಾಯೋಚಿತ ಮತ್ತು ಸಮನ್ಯವಾಗಲಿದೆ.
ಈ ಕುರಿತು ಸಂಪೂರ್ಣ ವಿವರಗಳನ್ನು ಇಲ್ಲಿ ನೀಡಲಾಗಿದೆ:
ಒಳ ಮೀಸಲಾತಿ ನೀತಿ ಕರ್ನಾಟಕ ಹಿನ್ನಲೆ: ಆಯೋಗ ಮತ್ತು ವರದಿ
- ಸರ್ವೋಚ್ಚ ನ್ಯಾಯಾಲಯವು ಪಂಜಾಬ್ ರಾಜ್ಯ vs ದೇವಿಂದರ್ ಸಿಂಗ್ ಪ್ರಕರಣದಲ್ಲಿ ನೀಡಿದ ತೀರ್ಪಿನ ನಂತರ, ಕರ್ನಾಟಕ ಸರ್ಕಾರವು ನಿವೃತ್ತ ನ್ಯಾಯಮೂರ್ತಿ ಡಾ. ಹೆಚ್.ಎನ್. ನಾಗಮೋಹನ್ ದಾಸ್ ಅವರ ನೇತೃತ್ವದಲ್ಲಿ ಏಕಸದಸ್ಯ ಆಯೋಗವನ್ನು ರಚಿಸಿತ್ತು.
- ಆಯೋಗವು ಪರಿಶಿಷ್ಟ ಜಾತಿ ಸಮುದಾಯಗಳ ಸಾಮಾಜಿಕ–ಆರ್ಥಿಕ ಸ್ಥಿತಿ, ಶಿಕ್ಷಣ ಮಟ್ಟ ಮತ್ತು ಸರ್ಕಾರಿ ಉದ್ಯೋಗಗಳಲ್ಲಿ ಪ್ರತಿನಿಧಿತ್ವವನ್ನು ಸಮಗ್ರವಾಗಿ ಅಧ್ಯಯನ ಮಾಡಿತು.
- ಕಳೆದ ಆಗಸ್ಟ್ 4ರಂದು ಆಯೋಗವು ತನ್ನ ಅಂತಿಮ ವರದಿನ್ನು ಸರ್ಕಾರಕ್ಕೆ ಸಲ್ಲಿಸಿತ್ತು.
ಸಚಿವ ಸಂಪುಟದ ಪ್ರಮುಖ ನಿರ್ಣಯಗಳು
ರಾಜ್ಯ ಸಚಿವ ಸಂಪುಟವು ನಾಗಮೋಹನ್ ದಾಸ್ ಆಯೋಗದ ವರದಿಯನ್ನು ಸಂಪೂರ್ಣ ಚರ್ಚಿಸಿ, ಕೆಲವು ತಿದ್ದುಪಡಿ ಮಾಡಿಸಿ ಒಳ ಮೀಸಲಾತಿ ನೀತಿಯನ್ನು ಜಾರಿಗೆ ತರಲು ನಿರ್ಧರಿಸಿದೆ.
ಮೂರು ಪವರ್ಗಗಳ ವರ್ಗೀಕರಣ
ಆಯೋಗವು ಪ್ರಾರಂಭದಲ್ಲಿ ಸಮುದಾಯಗಳನ್ನು 5 ಗುಂಪುಗಳಾಗಿ (ಎ, ಬಿ, ಸಿ, ಡಿ, ಇ) ವಿಂಗಡಿಸಿದ್ದರೂ, ಸರ್ಕಾರವು ಅವನ್ನು 3 ಪವರ್ಗಗಳ ರೂಪದಲ್ಲಿ ಸಂಯೋಜಿಸಲು ನಿರ್ಧರಿಸಿದೆ:
- ಪವರ್ಗ-ಎ
- ಪವರ್ಗ-ಬಿ
- ಪವರ್ಗ-ಸಿ
ಮೀಸಲಾತಿ ಹಂಚಿಕೆ ಶೇಕಡಾವಾರು
ರಾಜ್ಯದಲ್ಲಿನ ಪರಿಶಿಷ್ಟ ಜಾತಿಗಳ ಒಟ್ಟು 17% ಮೀಸಲಾತಿ ಹಂಚಿಕೆಯನ್ನು ಕೆಳಗಿನಂತೆ ಪುನರ್ವಿತರಿಸಲಾಗಿದೆ:
| ಪವರ್ಗ | ಮೀಸಲಾತಿ ಶೇಕಡಾವಾರು |
|---|---|
| ಪವರ್ಗ-ಎ | 6% |
| ಪವರ್ಗ-ಬಿ | 6% |
| ಪವರ್ಗ-ಸಿ | 5% |
ಆದಿ ಸಮುದಾಯಗಳ ಸ್ಥಾನಮಾನ
‘ಆದಿ ಕರ್ನಾಟಕ’, ‘ಆದಿ ದ್ರಾವಿಡ’ ಮತ್ತು ‘ಆದಿ ಆಂಧ್ರ’ ಸಮುದಾಯಗಳು ಹಿಂದೆ ಪವರ್ಗ-ಇಯಲ್ಲಿ ಸೇರಿಸಲಾಗಿದ್ದವು.
ಆದರೆ, ಅವರ ಮೂಲ ಜಾತಿ ಸ್ಪಷ್ಟವಾಗದ ಕಾರಣ, ಈಗ ಅವರು ಪವರ್ಗ-ಎ ಅಥವಾ ಪವರ್ಗ-ಬಿ ಪಟ್ಟಿಗಳಲ್ಲಿರುವ ತಮ್ಮ ಜಾತಿ ಪ್ರಕಾರವೇ ಮೀಸಲಾತಿ ಲಾಭ ಪಡೆಯಲಿದ್ದಾರೆ.
ಇತರೆ ಪ್ರಮುಖ ನಿರ್ಧಾರಗಳು
- ನೇಮಕಾತಿ ಪ್ರಕ್ರಿಯೆ ವೇಗಗೊಳಿಕೆ – ಒಳ ಮೀಸಲಾತಿ ವಿವಾದದಿಂದ ತಡೆಹಿಡಿದಿದ್ದ ಸರ್ಕಾರಿ ನೇಮಕಾತಿ ಪರೀಕ್ಷೆಗಳು ಈಗ ತ್ವರಿತಗೊಳಿಸಲಾಗುವುದು.
- ವಯೋಮಿತಿ ರಿಯಾಯಿತಿ – ಸರ್ಕಾರಿ ಉದ್ಯೋಗಗಳಿಗೆ ಅರ್ಜಿ ಸಲ್ಲಿಸುವ ಎಲ್ಲ SC ಅಭ್ಯರ್ಥಿಗಳಿಗೆ ಗರಿಷ್ಠ ವಯೋಮಿತಿಯಲ್ಲಿ ಸಡಿಲಿಕೆ ನೀಡಲಾಗುವುದು.
- ಶಾಶ್ವತ ಆಯೋಗ ರಚನೆ – ಮುಂದಿನ ದಿನಗಳಲ್ಲಿ ಜಾತಿ ವರ್ಗೀಕರಣ ಪರಿಶೀಲನೆಗಾಗಿ ಶಾಶ್ವತ ಪರಿಶಿಷ್ಟ ಜಾತಿ ಆಯೋಗ ರಚಿಸಲು ನಿರ್ಧಾರ.
- ಮೊಕದ್ದಮೆ ಹಿಂತೆಗೆತ – ಒಳ ಮೀಸಲಾತಿ ಬೇಡಿಕೆಗಾಗಿ ಹೋರಾಟ ನಡೆಸಿದವರ ಮೇಲೆ ದಾಖಲಾಗಿದ್ದ ಪ್ರಕರಣಗಳನ್ನು ಹಿಂತೆಗೆದುಕೊಳ್ಳಲು ಸರ್ಕಾರ ತೀರ್ಮಾನಿಸಿದೆ.
ಕರ್ನಾಟಕ ಸರ್ಕಾರದ ಈ ಹೊಸ ಒಳ ಮೀಸಲಾತಿ ನೀತಿ ಕರ್ನಾಟಕ ರಾಜ್ಯದ ಪರಿಶಿಷ್ಟ ಜಾತಿ ಸಮುದಾಯಗಳ ನಡುವೆ ನ್ಯಾಯಸಮ್ಮತ ಲಾಭ ಹಂಚಿಕೆಗೆ ಮಹತ್ವದ ಹೆಜ್ಜೆಯಾಗಲಿದೆ. ಒಳ ಮೀಸಲಾತಿ ನೀತಿ ಕರ್ನಾಟಕ.
ಶಿಕ್ಷಣ, ಉದ್ಯೋಗ ಹಾಗೂ ಸಮಾಜದಲ್ಲಿ ಸಮಾನತೆ ತರಲು ಈ ನೀತಿಯು ನೆರವಾಗಲಿದೆ ಎಂಬ ನಿರೀಕ್ಷೆಯಿದೆ.
ಇದೆ ರೀತಿಯ ಉಪಯುಕ್ತ ಮಾಹಿತಿಗಳನ್ನು ಪ್ರತಿದಿನ ಪಡೆಯಲು ನಮ್ಮ ಟೆಲಿಗ್ರಾಂ ಗುಂಪಿಗೆ ಸೇರಲು [ಇಲ್ಲಿ ಕ್ಲಿಕ್ ಮಾಡಿ]
